Empire of the Sun (ffilm)

Empire of the Sun

Enghraifft o'r canlynol	ffilm
Lliw/iau	lliw
Gwlad	Unol Daleithiau America, y Deyrnas Unedig
Dyddiad cyhoeddi	1987, 10 Mawrth 1988
Genre	ffilm ryfel, ffilm glasoed, ffilm ddrama, ffilm a seiliwyd ar nofel
Prif bwnc	Pacific War, awyrennu, yr Ail Ryfel Byd
Lleoliad y gwaith	Shanghai
Hyd	154 munud, 152 munud
Cyfarwyddwr	Steven Spielberg
Cynhyrchydd/wyr	Kathleen Kennedy, Frank Marshall, Steven Spielberg, Robert Shapiro
Cwmni cynhyrchu	Amblin Entertainment
Cyfansoddwr	John Williams
Dosbarthydd	Warner Bros., Netflix
Iaith wreiddiol	Saesneg
Sinematograffydd	Allen Daviau

Ffilm ryfel Saesneg yw Empire of the Sun (1987). Cyfarwyddwyd gan gan Steven Spielberg, ac mae'n serennu Christian Bale, John Malkovich, a Miranda Richardson. Mae'n seiliedig ar y nofel o'r un enw gan J.G. Ballard a gyhoeddwyd yn 1984; addaswyd ar gyfer y sgrîn gan Tom Stoppard a Menno Meyjes. Adrodda Empire of the Sun hanes Jamie "Jim" Graham, sydd yn datlygu fel unigolyn o fyw gyda theulu Prydeinig cefnog yn Shanghai i fod yn garcharor rhyfel yng Nghanolfan Ymgynnull Sifiliaid Lungha, gwersyll Siapaneaidd yn ystod yr Ail Ryfel Byd.

Yn wreiddiol roedd Harold Becker a David Lean i fod cyfarwyddo'r ffilm cyn i Spielberg gymryd yr awenau. Roedd gan Spielberg ddiddordeb mewn cyfarwyddo Empire of the Sun oherwydd ei gysylltiad personol i ffilmiau Lean ac i'r thema o'r Ail Ryfel Byd. Ystyria Spielberg y ffilm hon fel ei waith mwyaf dwys ar "golli diniweidrwydd". Deliai nofel Ballard gyda'r thema o ddewrder ond unwaith eto creodd Spielberg ffilm a oedd yn ymdrin â phlant yn cael eu gwahanu o'u rhieni. Fodd bynnag, nid oedd y ffilm yn llwyddiant enfawr yn y theatrau er iddi gael ei chanmol yn fawr gan y beirniaid.